Меџити: Бујар Османи и ДУИ го држат Скопје како заложник преку јавните претпријатија! Овие луѓе не можат да му понудат иднина на Чаир!
Во првата дебата меѓу кандидатот на Алијансата за национална интеграција (АКИ), Бујар Османи, и кандидатот на владината коалиција ВЛЕН за Општина Чаир, Изет Меџити, во емисијата „Топ Тема“ на телевизија Телма, Меџити упати остри критики кон управувањето со јавните претпријатија во Скопје од страна на кадрите на ДУИ.
„Јавното претпријатие ‘Комунална хигиена’ има директор од партијата на Бујар Османи, ‘Паркови и зеленило’ исто така е под раководство на ДУИ, а истото важи и за ‘Дрисла’. Замислете што прават овие луѓе со градот Скопје и каква иднина можат да му понудат на Чаир?“, истакна Меџити, директно обвинувајќи го Османи и неговата партија за целосно заробување на институциите.
Меџити додаде дека поделбата на јавните претпријатија не е решение и дека градот Скопје треба да се води од градоначалник кој добро ги познава надлежностите и реалните проблеми на градот. „Потребно е да избереме вистински градоначалник на Скопје — човек кој ги знае работите, а не како нивната градоначалничка Данела Арсовска, а уште помалку луѓе кои не ги познаваат сопствените надлежности,“ изјави Меџити.
