Градоначалникот на општина Чаир и еден од лидерите на политичкото движење ВЛЕН, Изет Меџити, денес оствари средба со европратеникот Томас Вајц, постојан известувач на Европскиот парламент, во рамките на континуираниот дијалог со институциите на ЕУ.
На средбата беше истакната високата вредност на поддршката што Европската Унија и Европскиот парламент ја даваат на процесот на евроинтеграција на земјата, како и на реформската агенда која има за цел да го зајакне владеењето на правото, да ја консолидира демократијата и да го унапреди институционалниот стабилитет.
Дискусијата се фокусираше на актуелните политички развои, клучните реформски приоритети и конкретните чекори што треба да се преземат во наредниот период за целосно членство во Европската Унија, со нагласок на потребата за продолжување на реформскиот курс и непоколебливото политичко ангажирање.
