Изет Меџити, градоначалник на Општина Чаир, оствари средба со Никол Варнс, која ја извршува функцијата амбасадорка на САД во Скопје. На средбата беа разгледани актуелните случувања во земјата, зајакнувањето на институциите и унапредувањето на реформите кои ја приближуваат Северна Македонија до евроатлантските стандарди.
Меџити ја истакна континуираната поддршка што Соединетите Американски Држави ја даваат за демократските процеси, владеењето на правото и развојот во земјата. Тој нагласи дека САД остануваат стратешки партнер и важен сојузник на Северна Македонија, во зајакнувањето на демократските институции и стабилноста, како во земјата, така и во целиот регион.
