Со посебна почит, кандидатот за градоначалник на Чаир и министер за животна средина, Изет Меџити, учествуваше на манифестацијата по повод 28 септември – Денот на Бошњаците, ден кој ја потсетува јавноста на историјата, идентитетот и значајниот придонес на оваа заедница во нашата земја.
Меџити истакна дека Бошњаците имаат незаменлива улога во градењето на мултиетничкото општество, особено во општина Чаир, каде што секојдневното заедничко живеење и соработка меѓу заедниците претставуваат природен дел од заедничкиот живот. Тој нагласи дека токму ова претставува пример кој ја зајакнува социјалната кохезија и обврска да се негува и развива и во иднина.
„Придонесот на бошњачката заедница во културата, образованието, економијата и општествениот живот е видлив и вреден. Тие вредности ја збогатуваат нашата заедничка граѓанска иднина,“ рече Меџити.
На крајот, тој упати најдобри желби до припадниците на бошњачката заедница, нагласувајќи дека почитта, разбирањето и солидарноста секогаш ќе бидат мостови што не поврзуваат кон поодржлива и поправедна иднина за сите.
Извор: kurir.mk
