Марта Кос, која попладнево беше потврдена за нова комесарка за проширување од страна на Комитетот за надворешни работи на Европскиот парламент, во своето обраќање ја истакна потребата Македонија да го промени уставот за продолжување на европскиот пат.
„Она што е прифатено – треба да биде исполнето. Тоа е предуслов и на тоа ќе работиме со Северна Македонија. Очекувам Северна Македонија да го промени Уставот како што вети. Ништо повеќе и ништо помалку“, порача кандидатката за комесар за проширување на ЕУ, Марта Кос, за време на сослушувањето за потврдување на нејзината кандидатура.
Кос исто така кажа дека Европската комисија е подготвена да посредува за решавање на спорот помеѓу Македонија и Бугарија.
ИЗВОР: ТВ 21
