Претседателот на Интер, Џузепе Марота, проговори за тешкотиите поврзани со организирањето на изградбата на нов стадион во Милано и се закани дека ќе го напушти градот доколку ситуацијата не се подобри.
„Како некој поврзан со фудбалот, малку ми е срам што се справувам со оваа ситуација. Спортот во Милано е ставен во втор план, не можеме да ги исполниме критериумите за организација на финалето на Лигата на шампионите на Сан Сиро, а стадионот не доби дозвола ниту да биде домаќин на Евро 2032. Сето ова е затоа што некои луѓе кои влегле во политиката пред 30 години и се многу конзервативни, не разбираат дека клубови како Интер и Милан апсолутно имаат потреба од нов стадион што ги задоволува современите барања. Доколку оваа ситуација не се реши, двата клуба ќе бидат принудени да го напуштат градот. Тоа би било ужасно за градот. Оптимист сум; гледам што прави градоначалникот и се надевам дека ќе преовлада здравиот разум“, изјавил Марота.
Извор: vecer.mk
