Пред финалето на Конференциската лига против Бетис, тренерот на Челзи, Енцо Мареска истакна дека англискиот тим мора да покаже желба за победа.
– Расположението е добро. Но, знаеме дека финалето е нешто. Тоа е еден натпревар, и се може да се случи. Неколку пати реков дека оваа сезона е веќе добра за мене, и дека ќе биде успешна ако завршиме меѓу првите четири или пет во Премиер лигата. Првата цел е постигната. Сега е на ред втората цел. Конференциската лига е важна. Ако успееме да победиме, тоа е добро затоа што продолжуваме да градиме победнички менталитет. Не можете да го изградите ако не победуваме. Утре треба повторно да ја покажеме таа желба за победа, изјави Мареска за УЕФА.
Натпреварот Бетис против Челзи ќе се одигра вечер од 21 часот на арената „Тарчински“ во Вроцлав.
Извор: kurir.mk
