ПАРИЗ (АА) – Претседателот на Франција, Емануел Макрон, и претседателот на САД, Џо Бајден, вчера ја истакнале потреба од итна испорака на хуманитарна помош во Појасот Газа, каде продолжуваат израелските напади, известува Анадолу.
Според соопштението од Елисејската палата, Макрон и Бајден разговарале телефонски за израелските напади.
Двајцата лидери ја изразиле потребата хуманитарната помош итно да се достави во согласност со значајната потреба на населението, истакнувајќи ја својата одлучност да го спречат регионален судир.
Макрон и Бајден ја истакнале важноста за постигнување договор за ослободување на заробениците во регионот, со напомена дека тоа ќе придонесе за ставање крај на конфликтот и намалување на тензиите.
Претседателот на Франција изразил противење на израелските напади на Рафа и ја нагласил потребата за прекин на огнот.
Разговарале и за ситуацијата во украинско-руската војна, а двајцата лидери се согласиле и за зајакнување на поддршката за Украина.
Макрон го запознал Бајден со целите на Конференцијата за поддршка на Украина, на која ќе биде домаќин во Париз на 26 февруари.
Од почетокот на израелските напади на Појасот Газа на 7 октомври досега се убиени најмалку 29.692 Палестинци, воглавно деца и жени, а ранети се повеќе од 69.879 лица, објавија здравствените власти на палестинската енклава. Се претпоставува дека под урнатините се наоѓаат илјадници мртви.
По обвинението за геноцид што го поднесе Јужноафриканската Република, Меѓународниот суд на правдата на 26 јануари пресуди дека Израел мора да се воздржи од какви било активности поврзани со убивање, напади и уништување на жителите на Газа и да ги преземе сите мерки за да спречи геноцид.
Меѓутоа, израелските сили и понатаму продолжуваат со нападите врз Појасот Газа.
Според податоците на Обединетите нации, 85% од населението на Појасот Газа е интерно раселено и се соочува со акутен недостаток на храна, чиста вода и лекарства, додека околу 60% од инфраструктурата во Појасот Газа е оштетена или уништена.
Извор: Anadolu Agency (AA)
