Утре одбојкарите ќе се соочат со фаворитот во нашата група, репрезентацијата на Полска
Македонската одбојкарска репрезентација вечерва со 3:0 ја победи Црна Гора на Европското првенство, на кое еден од градовите домаќини е и Скопје.
Првиот сет одбојкарите го добија со 25:22, вториот со 25:19, а третиот со 29:20 поени.
Ова е втор натпревар за македонските одбојкари и втора победа по стартната што ја имаа над репрезентацијата над Данска. Утре, одбојкарите ќе се соочат со фаворитот во нашата група Полска.
Со втората победа на Европското првенство и освоени шест бода, македонската репрезентација е на пат кон историско осминафинале кое теоретски сè уште не е освоено, но треба да се случи чудо за да се уништат шансите односно да не бидеме меѓу првите четири од вкупно шест репрезентации во нашата група.
Осминафиналето односно нокаут фазата ќе се игра во Италија, која заедно со Македонија, Бугарија и Израел се организатори на првенството.
ИЗВОР: 360stepeni.mk
