Македонската тениска судијка, Анета Паловска се стекна со највисоката бронзена значка со која стана главен интернационален судија.
Бронзената значка значи дека Павловска сега може да суди на грен-слем турнири, но и сите други АТП и ВТА турнири.
„Среќна сум да споделам дека минатата недела во Париз се стекнав со бронзена значка и станав главен интернационален судија кој може да суди на Грен слем, АТП и ВТА турнири. Ова ме прави вториот судија од Македонија во историјата со овој ранг, по Климе Буловски од Охрид. Кога јас ја започнував својата судиска кариера, тој веќе престануваше да суди, така што немав многу можности да учам од него, но сепак беше добар пример кој вреди да се следи, истакна Павловска“, изјави Павловска.
Полагањето беше во Париз, а за самиот чин на полагање како што вели самата на „нејзиниот“ Ролан Гарос беше уште нешто ќе се памети.
Се некако е поврзано со „градот на светлината“. Полагањето го завршив во Париз, на терените на Ролан Гарос – каде го судев и мојот прв Грен Слем и моето прво Грен Слем финале, а во Франција ја добив и мојата прва значка во 2016 година. Испитот траеше три дена и вклучуваше различни форми на тестирање – интеракции со предавачите, теоретски и практични тестови кои создаваа притисок, бидејќи симулираа реални ситуации во кои мораш да донесеш одлука за само неколку секунди, раскажува Анета.
Инаку, Анета Павловска е втор македонски судија со бронзена значка, претходно тоа беше Климе Буловски.
Извор: kurir.mk
