Македонска делегација предводена од претседателката Сиљановска во Рим по повод чествувањето на денот на Кирил и Методиј

May 23, 2025
1 min read

Министерот за култура и туризам, Зоран Љутков, денеска и утре (23 и 24 мај) престојува во Рим, Италија, како член на државно-црковната делегација предводена од претседателката на Република Македонија, Гордана Сиљановска-Давкова, по повод чествувањето на денот на светите браќа Кирил и Методиј.

Делегацијата денеска присуствуваше на молебенот во базиликата „Сан
Клементе“ во Рим, со кој чиноначалствуваа владиците Јосиф и Јаков, заедно со претставници од Македонската православна црква – Охридска
архиепископија.

Во рамките на културната програма, организирана по повод манифестацијата „Македонија во чест на Свети Кирил“, министерот Љутков утре (24 мај) ќе присуствува и ќе има обраќање на концертот на маестро Симон Трпчески и квинтетот „Македонисимо“, што ќе се одржи во историскиот простор „Хорти Салустијани“ („Horti Sallustiani“) во вечниот Рим. Ќе бидат изведени дела од Едвард Григ, Петар Илич Чајковски и македонскиот композитор Панде Шахов.

Претходно, според предвидената агенда, државно-црковната делегација утре ќе го посети гробот на папата Франциск, а ќе положи и свежо цвеќе пред спомен-плочата на македонски јазик во чест на Свети Кирил во базиликата „Санта Марија Маџоре“.

Поклонението на гробот на Свети Кирил во базиликата „Сан Клементе“ во Рим е востановено во 1969 година, по повод 1100-годишнината од неговата смрт, и оттогаш се одбележува секоја година на 24 мај, со највисоки почести од државно-црковната делегација.

ИЗВОР: ТВ 21

MARKETING

MARKETING

Претходно

Делегацијата од Министерство за култура за прошетката во Јапонија потроши над 3,6 МИЛИОНИ!

Следно

Првата дама на Турција на затворањето на Меѓународниот форум за семејство

Latest from Blog

Двајца браќа од струшко осомничени за насилство

Основното јавно обвинителство Струга поведе постапка против две лица за кривично дело – Насилство од член 386 од Кривичниот законик. Двајцата браќа, по потекло од струшко, а со привремено живеалиште во Швајцарија,

Словенија донесе одлука, да забрани, увоз, извоз и транзит на оружје за Израел поради воените акции во Газа

Словенија стана првата земја во Европа која воведе целосна забрана за увоз, извоз и транзит на воено оружје и опрема до и од Израел, вклучително и преку нејзината територија. Одлуката е донесена

Охрид во претпразнично расположение

Охрид со богата културно музичка агенда за Илинденските празнувања. Концерти на домашни и пејачи од соседството, театарски претстави фолклорни фестивали. Градот по традиција овој викенд ќе го живее шпицот на сезоната. Овие

Ердоган: Меѓународната заедница има голема одговорност за воспоставување итен прекин на огнот во Газа

ИСТАНБУЛ (АА) – Меѓународната заедница има голема одговорност да воспостави итен прекин на огнот во Газа и да достави хуманитарна помош во регионот што е можно поскоро, изјави денес турскиот претседател Реџеп
Go toTop