Учењето од книги и тетратки е единствениот начин за правилно учење, особено кај децата од основното образование, вели професорот Авзи Мустафа. Според него, секоја лекција научена од книга останува запечатена во меморијата. И покрај технолошкиот развој не постои алатка и процес што може да го замени класичното учење, вели Мустафа.
„Лекцијата која се бара да се научи преку книги, а не преку компјутер, влијае врз учениците, им се запечатува во меморијата за никогаш да не биде заборавена бидејќи ученикот, мора да ја направи своја сопственост. Ова преку дигитализираните средства, не влијае врз меморијата на ученикот. Книгата постоела, ќе постои и во иднина и нема алатка што може да ја замени“, рече Авзи Мустафа, професор.
Додека С Македонија се обидува да го дигитализира процесот на учење, Шведска го прави спротивното. Во училиштата ги враќа книгите и тетратките. Четвртоодделенците кои за првпат се среќаваат со учебници по математика веќе забележале позитивна разлика.
„Има повеќе описи. Тоа го немавме на лаптоп и можеби е потешко затоа што сега треба да читате сами, порано компјутерот на глас ни ги читаше задачите“, изјави Ученичка од Шведска.
„Предноста е што книгата не се блокира како компјутерот, но имам тешкотии со пишувањето. Ми станува потешко затоа што сега треба да пишувам со рака“, нагласи еден Ученик од Шведска.
Наставниците во Шведска велат дека дигиталното учење влијаело врз учениците на различни начини.
„Учениците читаат побавно, имаат послаб речник и помалку го разбираат она што го читаат. Мислиме дека тоа е затоа што досега сè правевме многу дигитално“, рече Учител од Шведска.
Шведска долго време се сметаше како модел за дигитална настава. Сепак, минатата година шведското Министерство за образование предложи да се вратат класичните книги и тетратки бидејќи само дигиталното учење донело послаби резултати./Алсат.мк
Мелихате Рустеми
Извор: alsat.mk
