МААЕ соопшти дека сите 20 дизел генератори за итни случаи се активирани и дека основната моќност на централата сега ја обезбедуваат осум од овие дизел мотори, додека останатите се во состојба на подготвеност
Сите 20 дизел генератори во нуклеарната централа Запорожје се активирани, соопшти Меѓународната агенција за атомска енергија (МААЕ).
Нуклеарната централа Запорожје беше исклучена поради руските напади. Сега МААЕ соопшти дека сите 20 дизел генератори за итни случаи се активирани и дека основната моќност на централата сега ја обезбедуваат осум од овие дизел мотори, додека останатите се во состојба на подготвеност.
Украинската нуклеарна централа Запорожје е исклучена од редовно снабдување со електрична енергија по големиот бран руски ракетни напади низ целата земја, соопштија операторите.
Постројката која ја држи Русија откако беше заземена на почетокот на војната, се наоѓа во близина на линијата на фронтот и двете страни предупредија на можноста од нуклеарни несреќи предизвикани од борбите.
Во објава на Фејсбук, украинскиот министер за енергетика Герман Галушченко нагласи дека се работи за „варварски, масовен“ руски напад.
Портпаролот на Росенергоатом, рускиот нуклеарен оператор, потврди дека централата во Запорожје е исклучена од редовната електрична мрежа и ја обвини Украина дека го прекинала снабдувањето без очигледна причина
Официјални лица, пак, назначени од Русија го нарекоа исклучувањето на Запорожје за украинска провокација и рекоа дека централата работи безбедно на помош на дизел енергија.
Извор: 360stepeni.mk
