КАИРО (АА) – Градот Луксор, кој се смета за „главен крвоток“ на египетскиот туризам, е една од омилените туристички атракции со богата историја и храмови, пишува Анадолу.
Познат по пирамидите, сфингите и фараоните, Египет е една од најатрактивните туристички дестинации во светот и место што секоја година го посетуваат голем број туристи.
Луксор е еден од градовите што крие многубројни мистерии на древната египетска цивилизација и им ја отвора вратата на голем број туристи од целиот свет. Многумина Луксор го сметаат за еден од најголемите музеи на отворено во светот.
Луксор е град со популација од околу 500.000 луѓе. Лоциран на реката Нил, Луксор е седиште на многубројни археолошки наоѓалишта и богати културно-историски споменици.
Градот бил престолнина на Египет во текот на Новото Кралство, посветен на богот Амом Ра и претставува идеална дестинација за секој вљубеник во историјата.
Луксор поседува многубројни колосални „чуда“ на древниот Египет, како што се Мемнонините статуи, гробницата на фараонот Аменхотепа, неверојатните храмови во Каранака, пирамиди и две долини на кралеви и кралици. Таму се пронајдени стотина гробници, вклучително и гробницата на фараонот Тутанкамон и фараонот Рамзес.
Извор: www.aa.com.tr
