Англискиот шампион Ливерпул соопшти дека издале повеќе од 1.000 доживотни забрани и затвориле 45.000 лажни сметки поради нелегална продажба на билети.
Многу луѓе ширум светот сакаат да одат на „Енфилд“ кога Ливерпул игра дома во Премиер лигата и Лигата на шампионите. Ова значи дека има неверојатна побарувачка за билетите, што доведе до појава на лажни сметки и лажни билети.
Управата на Ливерпул потврди дека досега има изречено 1.114 доживотни суспензии само за изминатата сезона, а исто така со нивниот IT сектор имаат затворено над 45.000 веб-адреси кои продавале лажни билети.
Покрај тоа, сè уште се истражуваат дополнителни 10.000 други сомнителни страници.
Во сезоната 2023-24, Ливерпул издаде само 75 доживотни суспензии, а затвори над 100.000 лажни профили. Во сезоната 2024-25, на речиси 500 луѓе им беше одбиен влез на стадионот кога се обиделе да влезат со лажен билет од телефон.
Извор: vecer.mk
