ТРИПОЛИ (АА) – Либија ја повика Арапската лига на вонреден состанок поради проширувањето на израелската окупација во Сирија во област на 25 километри од главниот град Дамаск, јавува Анадолу.
Во соопштението на Постојаното претставништво на Либија во Арапската лига се наведува дека Либија ја поканила оваа организација на вонреден состанок на кој ќе се разговара за прашањето за проширувањето на израелската окупација во Сирија.
Се надеваме дека најдоцна во рок од два дена ќе се одржи вонреден состанок на Арапската лига, кој ќе вклучи преземање итни мерки во врска со проширувањето на израелската окупација на сириска територија.
Израелската Армија влезе во тампон-зоната во окупираната Голанска Висорамнина по инструкции на премиерот Бенјамин Нетанјаху и министерот за одбрана Израел Кац.
Израел ја окупираше сириската Голанска Висорамнина од 1967 година. Границите на тампон-зоната и демилитаризираната зона беа одредени со Договорот за поделба на силите потпишан меѓу Израел и Сирија во 1974 година.
Во изјавата што ја даде за време на неговата посета на Голанската Висорамнина, Нетанјаху рече дека „окупацијата е привремена“.
Израелската Армија објави фотографии од војници и оклопни сили кои ја окупираат тампон-зоната во Голанската Висорамнина.
Извор: Anadolu Agency (AA)
