Младиот ди-џеј Љупчо Лешко загинал од насилна смрт додека пуштал музика на приватна забава во скопско Радишани. Ова е конечниот став на Судска медицина по скоро пет месеци откако ја започнаа обдукцијата.
Семејството на починатиот ди-џеј вчера беа гости во емисијата „Заспиј ако можеш“ и уште еднаш пред македонската јавност раскажаа за кобната вечер во кој почина нивниот син.
-Синот никој не може да ни го врати, но ни бараме само правда, тоа му го должиме него, вели семејството на Љупчо.
Тие раскажаа за многу работи во кои се сомневаат околу водењето на истрагата, како и за сопственикот на објектот во кој починал нивниот син.
Болката на семејството Лешко е уште поголема. Неговата сестра, Стефанија Лешко, ги прашува институциите што планираат понатаму, бидејќи се сигурни дека постојат доволно докази за да се покрене кривична постапка против газдите на објектот.
Уверени сме и сигурни дека не е несреќен случај и мислиме дека ЈО има доволно докази за да поведе кривична постапка против сопствениците на објектот. Исто така, сакам да упатам апел до јавноста, особено до родителите дека во Скопје и цела Македонија има премногу објекти кои работат без дозвола за вршење на таква дејност,со кои државата и инспекторатите би требало да се позанимаваат најмногу поради постоење на голем ризик од вакви случаи со смртен исход“, вели Стефанија Лешко.
На крајот од емисијата таткото на починатиот Љупчо, Раде Лешко, кажа дека верува во тоа дека во институциите сепак постојат добри луѓе и големи професионалци, како и тоа дека имал огромна поддршка и помош лично од министерот за одбрана, Владо Мисајловски, од неговиот кабинет, како и од Генералштабот.
На крај од емисијата би сакал да ми дозволите да се заблагодарам лично на министерот за одбрана, Владо Мисајловски, до неговиот кабинет и до Генералштабот за неизмерната поддршка и солидарност која ми ја даваат мене и на моето семејство откако се случи овој чи и навистина сме им премногу благодарни за тоа што го прават за нас, вели Раде Лешко.
ИЗВОР: kurir.mk
