Русија започна инвазија на Украина на 24 февруари минатата година, а Западот одговори на почетокот на војната со испраќање оружје и пари во Украина за да може да се одбрани
Русија сака конфликтот во Украина да заврши, но ќе одговори на испраќање западно оружје во Киев, изјави денеска рускиот министер за надворешни работи Сергеј Лавров. Според него, руските сили ќе одговорат на испраќањето западно оружје со долг дострел во Украина со потиснување на украинските сили подалеку од нивните граници.
На овој начин Русија планира да создаде, според неговите зборови, „безбедна тампон зона“. Во интервју за руската државна телевизија, Лавров рече дека „сите би сакале конфликтот во Украина да заврши, но поддршката на Западот за Киев игра важна улога во тоа како Русија ќе се позиционира“.
Русија започна инвазија на Украина на 24 февруари минатата година, а Западот одговори на почетокот на војната со испраќање оружје и пари во Украина за да може да се одбрани.
Извор: 360stepeni.mk
