Сениорскиот тим на клубот Престон, ќе ја претставува заедницата и клубот во Македонија, со патувањето што започнува в понеделник, 15 септември. Турнејата ќе послужи како подготвителен тренинг камп пред Австралискиот шампионат.
За време на престојот, играчите и клубот ќе учествуваат во хуманитарни активности, вклучително и распределување на средства за трагедијата во Кочани.
Ова патување е овозможено благодарение на поддршката на министерот за надворешни работи на Македонија, Тимчо Муцунски, и Фудбалската федерација на Македонија, предводена од претседателот Масар Омерaгиќ. Тимот ќе биде гостин на ФФМ и ќе настапува во Охрид, Скопје и Битола.
Патувањето е целосно финансирано од ФФМ, спонзорите, поединци, придонеси од играчи, како и благодарение на авионскиот партнер Turkish Airlines.
Лавовите од Престон ќе играат натпревари со:
23 септември – Вардар во Скопје во 15:30 часот
25 септември – Пелистер во Битола во 15:30 часот
За клубот, играчите и официјалните лица, ова е чест да ја претставуваат заедницата, клубот и поддржувачите.
