Пратеничката на ВМРО-ДПМНЕ, Благица Ласовска вечерва во „Click Plus“ на ТВ21 порача дека очекуваат членовите на Судски совет на кои им беше изгласана недоверба да си поднесат оставки.
Како што вели, со тоа да покажат дека ја разбираат недовербата на органот кој ги избрал.
„Ние не сме поединци, ние претставуваме граѓани.“, вели Ласовска.
Таа додава дека нема да се откажат, а имаат и механизми кои можат да ги активираат.
„Ние нема да се откажеме против борбата против корупцијата и криминалот. Имаме и други механизми кои што ни стојат на располагање. Осум месеци сме на власт, и дури мислам граѓаните не обвинуваат дека предолго чекавме, трпеливи бевме да не не обвинуваат дека правиме упад како сега што не обвинуваат“, додава Ласовска.
ИЗВОР: ТВ 21
