Лабудовиќ: Центар мора да биде убав, достоинствен и енергетски ефикасен

October 5, 2025
1 min read

Општина Центар е срцето на главниот град – место каде секој детал зборува за ликот, духот и вредностите на граѓаните кои живеат во неа. Но, во последните години, голем број станбени објекти се оставени на забот на времето, со дотраени фасади, нарушена естетика и сè поголеми енергетски загуби кои директно го погодуваат стандардот на граѓаните.

Кандидатот за градоначалник на Општина Центар од Движењето ЗНАМ – За Наша Македонија, Мирослав Лабудовиќ, во својата изјава истакна дека обнова на објектите и фасадите ќе биде еден од приоритетите во неговата програма за поубав и пофункционален Центар.

„Секоја зграда е дел од идентитетот и душата на нашата општина. Старите згради ќе добијат нови, енергетски ефикасни фасади кои, покрај тоа што ќе го разубават просторот и ќе му дадат достоинствен изглед на Центар, ќе им донесат на граѓаните помали сметки за греење и поквалитетни услови за живеење,“ порача Лабудовиќ.

Тој нагласи дека модерниот Центар треба да биде пример за урбан развој со мерка, кој ќе ја спои естетиката со енергетската ефикасност, а грижата за секој жител ќе биде во сржта на секоја општинска политика.

„Центарци заслужуваат достоинствен живот. Со целосна реконструкција и современ изглед, ќе создадеме општина која ќе зрачи со убавина и ред, но и ќе обезбеди реални економски придобивки за секој граѓанин. Центар мора да го зачува својот дух и карактер, но и да чекори напред, во чекор со современите стандарди за живот,“ изјави тој.

Проектот за енергетска санација и обнова на фасадите е дел од пошироката визија на Лабудовиќ за модерен, чист и зелен Центар. Тој најави дека општината ќе аплицира и за европски фондови за поддршка на енергетската ефикасност и одржлив урбан развој, со цел граѓаните да добијат долгорочни решенија, а не само козметички промени.

„Овој проект не е само прашање на естетика, туку на подобар живот, пониски трошоци и поголема удобност. Сакам граѓаните да живеат во општина со убав изглед, чист воздух и ред. Центар заслужува да биде убав, достоинствен и енергетски ефикасен. Центар мора да биде убав!“ заклучи Лабудовиќ.

Извор: kurir.mk

VERO JUMBO MACEDONIA

EVN MACEDONIA

AUTO SHKOLLA BEKO

MATINA DENTAL CLINIC

Претходно

Коњановски: Мнозинство во Советот ќе овозможи брзо и ефикасно спроведување на проектите

Следно

Проданоски: Ќе изградиме нова модерна градинка за 200 деца во Прилеп

Latest from Blog

Стаменкоска – Трајкоска: Продолжуваме со континуираните заложби за подобрување на инфраструктурата

Градоначалничката на општина Кисела Вода, Бети Стаменкоска – Трајкоска, на својот Фејзбук профил денес објави фотографии од асфалтирање на улицата 527 во Кисела Вода. Асфалтирање на улицата 527 во Кисела Вода Во

Мурал со приказни од дијаспората – ново уметничко обележје во Битола

Во центарот на Битола, со пригодна свеченост беше откриен муралот на австралискиот уметник Финтан Скот Меги, создаден по повод 30-годишнината од воспоставувањето на дипломатските односи меѓу Македонија и Австралија. „Фантастично е што

Ехо и уролошки прегледи на повеќе од 70 пациенти: Нелоска со благодарност до доктори и градоначалници

Многу успешно одбележување на МОВЕМБЕР во ЈЗУ СБГПМ 13 Ноември Скопје, вели директорката на установата, Ленче Нелоска. -Беа направени ЕХО и уролошки прегледи на повеќе од 70 пациенти. Голема благодарност до Д-р
Go toTop