Ѕвездата на Наполи, Хвича Кварацхелија објави порака на својот Инстаграм профил со која се збогува со навивачите на тимот.
Грузискиот репрезентативец се смета за сигурно ново засилување за францускиот шампион Пари Сен Жермен.
-Ова е тешка одлука за мене, но време е да се збогувам. Поминав неверојатно време овде, споделивме одлични спомени заедно и доживеавме неверојатни емоции. Неапол беше мојот дом и тука се чувствував фантастично благодарение на секој од вас, рече Кварацхелија во видеото.
Грузискиот крилен напаѓач потпиша со Наполи во 2022 година, а во својата прва целосна сезона со клубот успеа да им помогне да станат шампиони за прв пат по 33 години, постигнувајќи 12 гола и 13 асистенции на 34 натпревари.
Актуелниот договор на Кварацхелија со Наполи е до летото 2027 година.
Извор: kurir.mk
