Кривичниот суд и официјално поднесе барање за записниците за случајот „Алфа“, ексклузивно дознава Алсат. Барањето од првостепениот суд до Врховниот суд е упатено на 13 февруари. Се уште не е познато кога истите ќе бидат испратени до Кривичниот суд за потоа да се исполнат законските услови да се стави во функција барањето за повторно судење врз основа на нови докази.
Тоа е така од причина што одлуката на Врховниот суд донесена на 14 февруари, врз основа на која жалбата на Алмир Дрпљанин беше отфрлена како неоснована, се уште не е напишана.
Осудените во случајот „Алфа“, го чекаат почетокот на повторното судење на случајот врз основа на новото супер вештачење добиено пред речиси три години. Претходно, Бирото за судски вештачења се изјасни дека не е можно да се изврши вакво антрополошко вештачење, но дека е потребно мислење од оваа институција и пред почетокот на повторното судење. Исто така, Јавното обвинителство мора да го определи обвинителот кој ќе го застапува обвинителниот акт во повтореното судење, но од одбраната изјавија дека не се согласуваат со претходниот обвинител, бидејќи според нив, тој бил непрофесионален и пристрасен во првиот процес.
Во случај Кривичниот суд да го одбие барањето за повторно судење, одбраната на Алмир Дрпланин и Агим Ислами не ја исклучуваат можноста да го испратат предметот до Судот во Стразбур./Alsat.mk
Извор: alsat.mk
