„Нема откажување од иднината“ гласи мотото под кое СДСМ и Коалицијата за европска иднина ќе настапи во кампањата за парламентарните избори. На почетокот на кампањата, претседателот на партијата, Димитар Ковачевски истакна дека тие имаат издржан и остварлив план што е преточен во програма за наредните четири години. Тој најави, како што рече, конечна и решителна борба против криминалот и корупцијата. Ковачевски додаде дека главниот фокус останува членството во ЕУ. Настанот, посветен на стартот на кампањата, започна со видео обраќање на германскиот канцелар, кој е и претседател на сестринската партија на СДСМ – ПЕС, Олаф Шолц, со порака дека за силна ЕУ е потребен процесот на проширување со Северна Македонија.
Извор: alsat.mk
