Костадинов ја одби средбата со министерката за финансии Димитриевска-Кочовска

May 29, 2025
1 min read

Градоначалникот на Струмица, Костадин Костадинов, ја одбил средбата со министерката за финансии Гордана Димитриевска-Кочовска, која ја побарала таа по јавната реакција на струмичани за недавањето согласност за вработување на негувателки и воспитувачи во градинките во Струмица, објави на неговиот фејсбук профил струмичкиот градоначалник.

Во објавата тој наведува повеќе причини за одбивањето да се сретне со министерката.

„Првата причина е тоа што се бараше на средбата да одам само јас, а таму да дојдат од советничката група на ВМРО-ДПМНЕ. Таква нетранспарентна средба не прифаќам. Или е тет-а-тет или сите заедно. Моделот на средби со “шушкање” не го прифаќам. Втората причина поради која ја одбив средбата е непрофесионализмот на Министерството. Имено, со месеци не ни е исплатен повратот на ДДВ на јавното претпријатие за транспорт во Струмица со цел истото да биде блокирано, струмичани да немаат јавен превоз а ВМРО-ДПМНЕ да има тема за политичко лешинарство. Иако во повеќе наврати повикував, немаше слух од надлежната министерка се додека не видоа некоја политичка придобивка за нив од остварување на средба, наведува во објавата Костадинов“.

Додава дека проблемот со недостаток на кадар во градинките во Струмица го решаваат сами.

„Сега нема зошто да се гледаме, задоцнивте како што доцните и со довршувањето на регионалниот пат кај Дабиле кон бугарската граница. Доцните и со компјутерска томографија во Струмичката болница. Доцните и со проектите ветени за Струмица. Доцните со правдата, а често и ја опструирате“, напиша Костадинов.

Инаку, недавањето согласност за вработувања во во струмичките градинки по основ на заминување во пензија се разгледуваше и на последната седница на Советот на Општината, на која по меѓусебни обвинувања меѓу советниците, беше изнесена информација од советничка на ВМРО ДПМНЕ дека бил постигнат некаков начелен договор за средба на министерката за финансии со општинското раководство за почетокот на наредната недела за да се најде решение на проблемот.

ИЗВОР: racin.mk

MARKETING

MARKETING

Претходно

Гиљермо Милано и наредната сезона тренер на РК Вардар

Следно

Променливо облачно со повремен дожд и грмежи

Latest from Blog

Спасен параглајдеристот кој висеше закачен на дрво високо над 30 метри

Доцна попладнево, кај Крушево се одвиваше драматична спасувачка акција, откако странски државјанин што летал со параглајдер завршил закачен на дрво високо над 30 метри. По добиената дојава од полициската станица во Крушево,

Ристоска: Размислувам дали да се кандидирам по втор пат, не сакам да ја легитимирам одлуката на владата, ќе тужам за клевета

„Сите настани што се случуваа во изминатиов период – клеветничките кампањи, укажувањата да ја повлечам апликацијата, нетранспарентноста на владата при поништување на листата, ме наведоа на заклучок дека не треба да се

Неделен пазарен преглед: Раст на вештачката интелигенцијата, крипто од речиси 4 трилиони долари и регулаторни промени

Минатата недела донесе комбинација од оптимизам и претпазливост на глобалните пазари. Силните резултати поттикнати од вештачка интелигенција предизвика S&P 500да порасне до рекордни 6.409, додека вкупната пазарна капитализација на криптодостигна историски максимум од 3,95 трилиони долари пред

Извозот на клучна технологија на Турција достигна 51,9 милијарди долари во првата половина од годината

Турскиот извоз на клучна технологија, вклучително и средно високотехнолошки и високотехнолошки производи, достигна 51,9 милијарди долари во првите шест месеци од годината, политиките на земјата за зголемување на инвестициите, производството и создавањето
Go toTop