Косовската опозиција: Курти прифати сè што вети дека нема да прифати

March 19, 2023
2 mins read

Разговорите меѓу српскиот претседател Александар Вучиќ и косовскиот премиер Албин Курти, со посредство на Европската Унија, вчера во Охрид траеја повеќе од десет часа. По состанокот, високиот претставник на Европската Унија за надворешни работи и безбедност Жозеп Борел соопшти дека Србија и Косово се согласиле за анексот за имплементација, кој заедно со Договорот, ќе биде дел од европскиот пат на двете страни

По вчерашниот договор меѓу спрскиот претседател Александар Вучиќ и косовскиот премиер Албин Курти постигнат со посредство на Европската Унија, двете најголеми опозициски парти на Косово, Демократска партија на Косово и Демократска лига на Косово, упатија критики кон премиерот на Косово Албин Курти за кој велат дека прифатил сè што ветил дека нема да прифати.

Претседателот на Демократска партија на Косово Мемли Красниќи оцени дека Курти за помалку од три недели прифатил сè што ветил дека нема да прифати во текот на својот политички живот.

„Но, надвор од неговите измами, наша грижа останува Косово, нашите граѓани и идните генерации, кои, за жал, освен што ја изгубија вербата во перспективата што ја нуди Косово, ќе го наследат и замрзнатиот конфликт со Србија во годините што доаѓаат. И тоа е директна последица на грешките на Албин Курти кој преговараше и го овозможи овој договор кој е недоволен за Косово и кој не ги остварува нашите државни и граѓански цели“.

напиша Красниќи.

Тој додаде дека договорот без меѓусебно признавање, фокусиран на напредно здружување и политичка автономија на српската заедница и без гаранции за евроатлантските интеграции на Косово, е голем политички и национален неуспех, „кој сите ќе го плаќаме скапо и долго време“.

И претседателот на Демократска лига на Косово Лумир Абдиџику преку објава на Фејсбук рече дека епилогот на премиерот Албин Курти во дијалогот е измама и губење на историска шанса.

„Освен тоа, договор без признавање, не конечен и со плус асоцијација во него е она што Курти денеска го донесе на Косово. Оваа нова ситуација, трансформирана како интеграциска обврска за нашата земја, е непоправлива“.

напиша Абдиџику.

Според Абдиџику, поставените услови на Курти, одржаните говори, дадените ставови, едноставно биле поништени.

Разговорите меѓу српскиот претседател Александар Вучиќ и косовскиот премиер Албин Курти, со посредство на Европската Унија, вчера во Охрид траеја повеќе од десет часа. По состанокот, високиот претставник на Европската Унија за надворешни работи и безбедност Жозеп Борел соопшти дека Србија и Косово се согласиле за анексот за имплементација, кој заедно со Договорот, ќе биде дел од европскиот пат на двете страни.

Борел рече дека договорот и анексот се сметаат за усогласени и прифатени од двете страни и дека ќе се сметаат за усвоени, односно ќе важат, откако тој ќе даде изјава дека е така или со објава од негова страна.

Албанскиот државен врв го поздрави вчерашниот договор меѓу Косово и Србијаоценувајќи дека е уште една гаранција за мирот, стабилноста и иднината на регионот во Европската Унија.

Српската Н1 синоќа го објави анексот на договорот за патот кон нормализација на односите меѓу Косово и Србија, договорен по маратонските разговори во Охрид.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Банките може да пропаѓаат, менаџерите никако

Следно

Вотсон: САД го поздравуваат договорот за нормализација на односите меѓу Белград и Приштина

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop