Денеска, на платото пред спортската сала „Боро Чурлевски“ во Битола, се одржа фан-зоната пред натпреварот Еурофарм Пелистер – Загреб, која собра голем број навивачи и симпатизери на тимот. Настанот започна во 18:45 часот со забавно-музичка програма, а посетителите имаа можност да уживаат во вкусна храна и пијалоци, обезбедени од партнерите Училница и Конец.
Навивачите ја искористија можноста да се загреат за вечерашниот дуел и да ја почувствуваат уникатната атмосфера на култните европски вечери во ракометна Битола. Во подтрибинскиот простор на спортската сала, Училница и Конец поставија штандови за дополнителна забава и вкусни деликатеси, правејќи го секој момент пред натпреварот уште поинтересен.
Фановите исто така имаа шанса да го купат новиот дрес и другите парчиња спортска опрема на Еурофарм Пелистер за сезоната 2025/26. Настанот ја демонстрираше силната поддршка на навивачите и создаде незаборавна атмосфера пред натпреварот против Загреб.
Тони Коњановски истакна: „Почнуваме нова шампионска приказна, а таа најубаво се пишува заедно со нашата армија навивачи и симпатизери!“
