Градоначалникот на Битола, Тони Коњановски, информира дека работите на стадионот „Петар Милошевски“ се одвиваат со полн интензитет, во пресрет на квалификацискиот натпревар помеѓу младинските репрезентации на Македонија и Италија, кој ќе се одигра на 9 септември.
Во рамки на проектот се изведува санација на постоечките трибини и скали, поставување на нови 4.852 седишта, обработка и премачкување на конструкциите, како и заштита на челичните елементи и санација на настрешницата.
Коњановски истакна дека подготовките се важни не само за претстојниот натпревар, туку и за обезбедување на современи услови за идни спортски настани во Битола.
Нашата младинска репрезентација ќе ја пречека силната селекција на Италија во рамките на квалификациите за Европското првенство. Во групата, покрај Македонија и Италија, се наоѓаат и селекциите на Црна Гора, Полска, Шведска и Ерменија.
