На Саемот – Отчет под мотото „4 години работа за тебе“, што овие два дена се одржува во Скопје, своја порака испрати и градоначалникот на Битола, Тони Коњановски.
По обраќањето на претседателот на ВМРО-ДПМНЕ, Христијан Мицкоски, градоначалниците преку панел дискусии ги презентираат реализираните проекти во своите општини, а секоја општина има и свој штанд.
Коњановски заедно со својот тим – заменикот Бојкоски, пратеникот и претседател на ОК на ВМРО-ДПМНЕ Милевски, советници и директори, порача дека продолжуваат уште посилно за Битола.
„Гордост е да се видат резултатите од изминатите четири години работа за граѓаните – стотици проекти кои значат подобар живот во општина Битола. Четири години работа за тебе. Продолжуваме уште посилно за Битола и за Македонија“, истакна Коњановски.
