Денес кандидатот за градоначалник на општина Битола, Тони Коњановски, ја доби официјалната поддршка од ромската заедница во градот.
„Искрено им се заблагодарив за довербата и за вербата дека заедно можеме да продолжиме да ја развиваме нашата општина“, истакна Коњановски.
Тој нагласи дека Битола е силна кога сите стоиме заедно, без поделби, со почит и заедничка цел – подобра иднина за секој сограѓанин.
Коњановски истакна дека поддршката од ромската заедница е поттик за натамошна работа и реализирање на проекти кои ќе ги подобрат условите за живот и развојот на општината.
