ЈКП „Комуналец“ – Прилеп започна со активности за хортикултурно преуредување на зеленилото и украсните растенија во околината на Градскиот саат, една од најфреквентните локации во централното градско подрачје.
Од претпријатието информираат дека, доколку временските услови дозволат, ќе се реализира и бојадисување на перголите, клупите и корпите за отпадоци, со цел просторот да добие посвеж и поуреден изглед.
По завршување на оваа парковска површина, „Комуналец“ најавува продолжување на активностите и на други локации низ Прилеп, со фокус на обновување на урбаното зеленило и подобрување на јавниот простор.
Со овие активности, претпријатието го продолжува континуитетот на одржување и унапредување на зелените оази во градот, во интерес на граѓаните и поквалитетна животна средина.
