Комисијата за култура на ВМРО-ДПМНЕ: Никој не презема одговорност за трајното уништување на заштитеното културно наследство

March 7, 2023
2 mins read

Катастрофални десетина денa за Министерството за култура. Додека Министерството се обидува да најде начин како да го укине или заобиколи Колективниот договор за вработените од културата да не го добијат планираното покачување на платите, медиумите известуваат за намерно и свесно уништување на неолитскиот локалитет Влахо кај Живојно за експоатација на јаглен. Иако оваа информација најпрво ја има Министерството и Управата за заштита на културното наследство, тие одлучуваат да го игнорираат и да го премолчат процесот надевајќи се дека нема таа информација да излезе во јавноста. Но вистината е како шило, реагираат од Комисијата за култура на ВМРО-ДПМНЕ.

Во продолжение следува интегрален текст од нивното соопштение:

Неколку дена подоцна, албанска телевизиска куќа обвини за ископување на некропола кај Скупи и за „намерно уништување“ на наоди кои говорат за „Дарданија и дарданството“ на Скупи. Да прецизираме – се кријат и уништуваат наоди кои ги гледаат и ги снимаат. За ова, директорот на Управата за заштита на културното наследство на самото место увидува дека има „невнимание“ при работа и дека „има неправилности во работата, дека има оштетени остатоци, дека има расфрлани коски, скршени саркофази… и дека отсега ќе имало посебна грижа и нема да биде професионално, туку суперпрофесионално“.

Неколку дена подоцна во јавноста излегува информацијата дека кај археолошкиот локалитет „Св. Атанасиј“ кај с. Спанчево ќе се поставуваат фотоволтаици. Заводот за заштита на спомениците на културата и музеј – Штип, први кои треба да го чуваат тамошното културно наследство во тој регион, излегуваат, на увид по што утврдуваат дека инвеститорот ги има сите потребни документи за изградба, меѓу кои и Дозволата од Управата за заштита на културното наследство. Воедно, од прекопувањето на самиот локалитет, Заводот и музејот од Штип констатира на самото место дека „на терен имаше расфрлана керамика, но такви наоди има по цело Кочанско“. Притоа, од надлежната установа изјавуваат дека доколку има археологија, таму тие можат да го стопираат ископувањето, „но такво нешто не увиделе“! Да биде иронијата поголема, кога со багери се ископува на археолошки локалитет излегуваат археолошки наоди. И тоа не е археологија, туку нормална градежна активност. Генијална констатација!

Комисијата за култура на ВМРО-ДПМНЕ укажува дека, истовремено се премолчуваат уште десетици други уништени или оштетени локалитети низ државата. И каде е надлежното Министерство и Управата кои по дејност и основа на постоењето мораат грижливо да го чуваат недвижното културно наследство!? На сето ова, Министерството излегува со само едно бедно соопштение во кое кажува дека ископувањата во Скупи се според сите правила и прописи, односно спротивно од првичното мислење на директорот на Установата, која директно го контролира тоа. Иритира потсетувањето на ланската изјавата од министерката во емисијата „Трилинг“, дека другите го уништуваат културното наследство, па потоа изгледа дека државата не се грижи за него. Ова јасно покажува дека Министерството е „село без кучиња“ и без никаков срам, морал и чувство за одговорност!

Овие скорешни јавни сведочења за трајно уништување на недвижното културно наследство не започнуваат од сега. Тие се резултат на повеќегодишна негрижа која случајно кулминира токму во овој момент. Јавноста и цела Македонија сведочат за разорните случувања во кои никој нема вина и никој не презема одговорност за трајното уништување на заштитеното културно наследство, подложно и на Кривичниот законик!

Дали е ова последниот чекор за бришење на македонскиот идентитет и историја, по политичките договори со Грција и Бугарија? Дали физичкото уништување на локалитетите е дел од ова сценарио?

И кога ќе помислиме дека културата во Македонија стигна до самото дното, тука се д-р Бисера Костадиновска–Стојчевска и нејзината „стручна културна машинерија“ да нѐ разубедат. Тие неуморно продолжуваат да копаат!

ИЗВОР: kurir.mk

VERO JUMBO MACEDONIA

EVN MACEDONIA

MARKETING

Претходно

Стоилковски: Дали едно од огласените три места за ЈО во Гостивар е резервирано за синот на Талат Џафери?

Следно

Еден од обвинетите за убиството на Ѓинѓиќ по 20 години излегува од затвор

Latest from Blog

Ристовски за лидер: Крај на рекламирање на брзи кредити и казина од спортистите

Поранешниот легендарен ракометен голман, а сегашен министер за спорт, Борко Ристовски утрово беше гостин на Радио Лидер. Тој зборуваше за неговиот ангажман на министерската позиција. Една од првите работи што се зафатив

Два сина, две трагедии: Зад гламурот на животот на Роберт Редфорд лежи болна семејна приказна

Со својата прва сопруга, Лола Ван Вагенен, тој имаше четири деца – Скот, Шона, Џејмс и Ејми Редфорд. За жал, нивниот најстар син, Скот, почина од синдром на ненадејна смрт кај новороденчиња

Речиси половина од луѓето со дијабетес не знаат дека го имаат: Нелекуван, може да доведе до срцев удар, откажување на бубрезите и слепило

Во Соединетите Американски Држави, околу 17 проценти од луѓето со дијабетес се недијагностицирани, а тоа е најчесто кај помладите луѓе. Раниот скрининг и дијагноза се клучни за спречување на сериозни долгорочни компликации

Српскиот министер за одбрана: Воената парада в сабота ќе ја покаже модерната и организирана српска армија

Српскиот министер за одбрана Братислав Гашиќ изјави дека в сабота цела Србија ќе биде горда на она што ќе биде прикажано на воената парада „Силата на единството 2025“ и истакна дека граѓаните

Просинечки во петок добива отказ на клупата на Црна Гора

Роберт Просинечки по помалку од два неуспешни циклуси на клупата на Црна Гора заминува од селекторското место на оваа репрезентација. Според црногорските изданија, состанокот на Извршниот одбор, каде претседателот Дејан Савиќевиќ и
Go toTop