Колумбискиот претседател изрази поддршка за студентите кои подигнаа палестинско знаме

БОГОТА (АА) – Колумбискиот претседател Густаво Петро го критикуваше отстранувањето на група студенти од конференциската сала на универзитетот поради подигнувањето на палестинското знаме, пренесува Анадолу.

Споделувајќи снимки од моментот кога студентите го подигнуваат палестинското знаме на социјалната платформа Х, тој ја истакна „слободата“.

„Ние имаме дипломатски односи со државата Палестина, како и знамето на секоја држава со која воспоставуваме дипломатски односи, мора да се почитува нејзиното знаме.“

„Колумбија е земја на слободи и права. Нема место за цензура на државен универзитет. Културата и слободата се синоними“, рече Петро.

На снимката се гледа како група студенти креваат големо палестинско знаме за време на концерт на симфониски оркестар во конференциската сала на Националниот универзитет на Колумбија. Потоа интервенирал безбедносниот персонал, додека студентите извикувале слогани за поддршка на Палестина.

На 20 октомври минатата година Петро објави дека Колумбија ќе отвори амбасада во градот Рамала на Западниот Брег.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.