АНКАРА (АА) – Кина издаде предупредување за можни бранови од цунами во некои крајбрежни области денес, откако силен земјотрес со јачина од 8,8 степени го погоди рускиот полуостров Камчатка, јави државната телевизија ЦГТН, јавува Анадолу.
Министерството за природни ресурси издаде жолто предупредување за цунами во некои области, објави ЦГТН.
Се очекува цунами-брановите да стигнат до крајбрежните делови на Шангај во вечерните часови, со прогнозиран максимален бран висок до 30 сантиметри.
Тајванската Централна метеоролошка администрација издаде предупредување за цунами, информирајќи дека брановите може да стигнат до брегот на Тајван до 13:18 часот по локално време (05:18 GMT).
Филипинските власти предупредија на можни бранови од помалку од 1 метар (околу 3,3 стапки) висина во крајбрежните области свртени кон Пацификот и повикаа граѓаните да бидат внимателни и подготвени за евакуација доколку е потребно.
И Националната агенција за управување со вонредни состојби на Нов Зеланд издаде предупредување за можна активност на цунами и апелираше до жителите во крајбрежните области да бидат на готовс.
„Прогнозирана активност на цунами се очекува од полноќ вечерва и може да продолжи неколку часа до утре“, соопшти Националната агенција за управување со вонредни состојби на X.
Земјотресот со јачина од 8,8 степени по Рихтер предизвика предупредувања за цунами низ целиот регион на Тихиот Океан, соопшти Американскиот геолошки завод.
Епицентарот на земјотресот бил на длабочина од 20,7 километри и бил 119 км источно-југоисточно од Петропавловск-Камчатски, соопшти Министерството.
Извор: Anadolu Agency (AA)
