ИСТАНБУЛ (АА) – Кина и Саудиска Арабија ќе спроведат заедничка поморска воена вежба во октомври, објави кинеското Министерство за одбрана, пренесува Анадолу.
Воената вежба наречена „Син меч 2023“ ќе се одржи во градот Џанџијанг во јужнокинеската покраина Гуангдонг, изјави портпаролот на Министерството на брифинг со новинарите, објави „Глобал тајмс“.
Двете земји претходно спроведоа заеднички поморски вежби во 2019 година, според Саудиската прес-агенција (СПА).
Оваа година Кина го потпомогна договорот во кој историските противници во регионот, Саудиска Арабија и Иран, се согласија да ги подобрат односите и повторно да ги отворат своите дипломатски претставништва.
