КАВГА ВО СДСМ: Ковачевски сака да го постави Филип Николовски на местото на Оливер Спасовски

January 5, 2023
2 mins read

Се разгоруваат страстите во владејачката СДСМ. По бројните шпекулации за кавги внатре, кои во изминатите денови ги објавуваа медиумите, Радио Лидер ексклузивно ја објавува последната кадровска кавга во владејачката партија. Извор од врвот на СДСМ за Лидер открива дека Димитар Ковачевски сака да го замени Оливер Спасовски со заменик министерот Филип Николовски.

Во скопската јавност, воопшто не е тајна дека кумановецот Оливер Спасовски му е еден од најнеомилените министри на кумановецот Димитар Ковачевски. Добро упатените познавачи на состојбите во владејачката СДСМ, со месеци брифираат дека постои огромно непријателство на релација Ковачевски-Спасовски.

-Првенствено тие тргнаа како тандем, затоа што Оливер Спасовски беше претерано близок со таткото на Димитар Ковачевски, стариот Таче. Во меѓувреме работите се сменија, затоа што Ковачевски се повеќе беше обземен од шармот на Миле Зечевиќ кој упорно се труди да го тргне од таканареченото „селско крило“ на СДСМ. Зечевиќ сега системски работи да ги тргне сите кадри кои се оставени од Заев, меѓу кои и Оливер Спасовски. – брифира извор од самиот врв на СДСМ за Радио Лидер.

Според извор на Лидер, очигледно руралниот Ковачевски буквално бил обземан од скопјанштината на Миле Зечевиќ, па на местото директор на АНБ го поставил Зарко Милошевски кој воопшто не му е по кеиф на шефот на МВР но и на нивниот поранешен а можеби и сегашен, заеднички шеф, Зоран Заев.

– Зарко е Бранковист, тоа е добро познато во СДСМ, секогаш важел за близок да Црвенковски и до Зечевиќ. Тој никогаш не се поднесуваше нити со Оливер Спасовски, нити со Зоран Заев кои неговото место го меркаа за друг човек. Откако ја презема функциојата веднаш почна да се пресметува со луѓето на Заев. Па така, Зарко го испрати Јовче Ременски на работа надвор од Скопје и го разреши од раководното место во еден од секторите на АНБ. – брифира нашиот извор од СДСМ кој е непосредно близок со премиерот Ковачевски.

Ситуацијата кулминирала кога лично Зоран Заев и Венко Филипче, видно револтирани влегле, а според некои тврдења и излегле, на состанок со Димитар Ковачевски. На овој фамозен состанок на кој многу се викало, тие се противеле на неговата идеја да биде разрешен првиот човек на МВР Оливер Спасовски и на негово место да биде поставен заменик министерот за финансии, Филип Николовски.

-Иако е само заменик министер, Филип Николовски е еден од луѓето во кои Ковачевски најмногу верува. Тие се стари пријатели, па така тој е единствениот кој доаѓа на позиција а не е од екипата на Заев, дури мислам дека никогаш не бил ни нешто активен во СДСМ. Тој е човек на Ковачевски и токму поради тоа тој сака да го постави за министер за внатрешни работи, позиција која е многу важна за секој премиер. – вели изворот.

Но, работите излегле од контрола…

Заев и Филипче нервозни влегоа кај Ковачевски и нервозни излегоа од кај него, затоа што тој и понатаму стои на ставот дека Филип Николовски треба да го замени Оливер Спасовски затоа што тој е претерано компромитиран со десетиците скандали кои ги има откако е министер. Чашата ја прелеаја пасошот за рускинот на црни листи. По таа средба, детали од внатрешниот живот во СДСМ почнаа да излегуваат во јавноста, затоа и јас ви ги кажувам овие работи. – вели изворот за Лидер.

Радио Лидер во наредните денови ќе се обрати и до Спасовски и до Николовски во однос на тврдењата на нивниот извор.

Дали Ковачевски ќе ја оствари својата желба да го постави на оваа значајна позиција својот долгогодишен пријател или ќе потклекне пред Заев, останува да видиме.

ИЗВОР: kurir.mk

VERO JUMBO MACEDONIA

EVN MACEDONIA

MARKETING

Претходно

Данилов: Украина не се се согласува на никакви разговори со Русија

Следно

Падна Вибер: Kорисници реагираат дека не може да испраќаат пораки

Latest from Blog

Сменета деканката на Медицинскиот факултет во Белград, нов вршител на должноста на чело на ФДУ

На денешната седница, Советот на Медицинскиот факултет при Универзитетот во Белград донесе одлука за разрешување на деканката Татјана Симиќ од функцијата. Заедно со неа, од функција се тргнати и сите продекани задолжени

Тен Хаг за само два месеци на клупата на Баер сериозно ќе ги наполни џебовите!

Ненадејното отпуштање на Ерик тен Хаг од Баер Леверкузен ќе му донесе сериозна финансиска компензација на холандскиот стратег, пишува „Билд“. Според информациите, стручњакот, кој се задржа само два месеца на клупата, ќе

Ураганот Кико и тропската бура Лорена се зајакнаа над источниот Пацифик

Ураганот Кико и тропската бура Лорена се зајакнаа над источниот Пацифик, а метеоролозите очекуваат бурата да донесе обилни дождови во Баја Калифорнија, објавија денес американските медиуми. Националниот центар за урагани во Мајами,

Мицкоски: Започна изградбата на нов продажен маркет на „Лидл“, ова е уште една потврда дека сме вистинска дестинација за инвеститорите

Премиерот Христијан Мицкоски денес се обрати на поставувањето на камен-темелник на нов продажен маркет на „Лидл“, проект кој е важен за македонската економија и за македонските граѓани. Порача дека со оваа инвестиција,

„Македонска држава“ – прва дигитална библиотека за македонското историско наследство стартува на 8 септември

Првата дигитална платформа со електронски книги, историски документи и истражувања кои опфаќаат над 150 години македонска историја, култура, поезија и патриотско творештво почнува со работа на 8 септември, Денот на независноста. Станува
Go toTop