Јовица Стојановиќ е именуван за в.д. директор на Управата за извршување на санкции

Стојановиќ е именуван за в.д. директор на Управата за извршување на санкциите, откако на вчерашната владина седница беше разрешен директорот на Управата, Марјан Спасовски

Јовица Стојановиќ е именуван за в.д. директор на Управата за извршување на санкции. Стојановиќ е именуван на денешната седница на Владата, која го прифати предлогот на министерот за правда.

„Владата го прифати и предлогот на министерот за правда, да се распише јавен оглас за именување нов директор на Управата за извршување на санкции, како што е образложено, согласно член 27, став (2) од Законот за извршување на санкции“,

се наведува во соопштението од владината прес служба.

Стојановиќ по вторпат е директор на Управата за извршување на санкции, откако претходно мандатот го извршувал од 2017 до 2022 година.

Стојановиќ е именуван за в.д. директор на Управата за извршување на санкциите, откако на вчерашната владина седница беше разрешен директорот на Управата, Марјан Спасовски.

Владата на вчерашната седница го разреши Марјан Спасовски, неколку дена по бегството на 36-годишниот Беким Мемети, за кое со кривични пријави во притвор завршија тројца затворски полицајци и командир на смена во затворот „Идризово“.

Марјан Спасовски беше именуван за директор на Управата за извршување санкции во ноември 2020 година. Тој претходно беше директор на затворот „Куманово“, познат и како Кшање, по истоименото село во чија близина се наоѓа, но поднесе оставка од оваа функција.