ИСТАНБУЛ (АА) – Јапонија денес вети дека ќе помогне во решавањето на кризата во Сирија и посака слобода и просперитет за сирискиот народ, по падот на режимот предводен од соборениот претседател Башар ал Асад, јавува Анадолу.
„Јапонија ќе продолжи тесно да соработува со меѓународната заедница за да помогне во решавањето на кризата во Сирија и постигнuvawe мир и стабилност во регионот на подолг рок“, изјави за новинарите највисокиот владин портпарол Јошимаса Хајаши во Токио.
„Го следиме развојот на настаните во Сирија со голема загриженост“, рече Хајаши, објави токискиот „Кјодо њуз“.
По период на релативна смиреност, на 27 ноември повторно се разгореа судири меѓу силите на режимот на Асад и антирежимските групи во руралните области западно од Алепо, град во северна Сирија.
Во текот на 10 дена, опозициските сили започнаа молскавична офанзива, освојувајќи клучни градови, а потоа, во неделата, и главниот град Дамаск. Брзиот напредок, поддржан од дезертираните воени единици, доведе до колапс на режимот на Асад по 13 години граѓанска војна.
Асад и неговото семејство побегнаа во Москва каде Русија им даде азил.
„Се надеваме дека насилството ќе заврши што е можно поскоро и дека сирискиот народ ќе може да ужива во слободата и просперитетот додека се заштитени основните човекови права“, рече Хајаши.
Извор: Anadolu Agency (AA)
