МЕЛБУРН (АА) – Италијанскиот тенисер Јаник Синер (22) победи на Австралија Опен откако во финалето по голем пресврт го совлада Данил Медведев (27) со 3:2 (по сетови 3:6, 3:6, 6:4, 6:4, 6:3) пренесува Анадолу.
Рускиот тенисер, трет рекет во светот, имаше предност од 0:2 во сетови, но Синер успеа да направи пресврт и следните два сета да ги добие со 6:4 во гемови и да го изедначи резултатот на 2:2 во сетови. Последниот решавачки сет Синер го доби со 6:3 во гемови и со победата од 3:2 дојде до својот најголем успех во кариерата, откако во полуфиналето го совлада Новак Ѓоковиќ.
Ова е прво финале на Синер на еден Гренд Слем турнир, додека Медведев го одигра своето шесто финале, но остана на една освоена Гренд Слем титула, успех постигнат на УС Опен 2021 година.
Синер е најмладиот тенисер што успеал да победи на Австралија Опен од 2008 година, кога тоа му појде од рака на Новак Ѓоковиќ на 20 годишна возраст.
Извор: Anadolu Agency (AA)
