Министерката за образование, Весна Јаневска коментираше за училиштето во Моране, каде што има бојкот на образованието. Јаневска во „Клик Плус“ на ТВ21 коментираше дека тоа е политички монтиран процес, исто како и училиштето во Чашка.
„Ова е политички монтиран процес, како што беше и во Чашка. Училиштето во Моране е подрачно училиште од истата општина. Некој ги убедил родителите дека ако добијат директор и евентуално заменик директор, тие ќе добиеле подобри услови, поголеми инвестиции, нешто што нема никаква логика. Станува збор за местото директор или местото раководител. Ако е раководител, централното училиште ги води сите главни потреби на училиштето, набавка на книги, обезбедување на оброк, превоз. Нема никаква логика зошто бараат да станат одвоено училиште од централното. Ова се е на штета на децата, и доколку учениците не се вратат во училиште ќе се соочат со неоправдани“, рече Јаневска.
За училиштето во Чашка, Јаневска со став:
„Градоначалникот и советот треба да водат сметка. За моја голема радост, почна изградбата и ќе биде брзо завршено. Но ова беше политички монтиран процес на штета на учениците“, изјави Јаневска.
„Не беше револтот кон учениците и нивните сограѓани, туку од притисокот од претходната влада. Јас повеќе пати бев во Чашка, тие 12-13 ученици учеле во училиштето, со своите другарчиња, и родителите имаат потпишано дека ќе учат на македонски јазик, и децата учеа. Од политички причини беше побарано да се формира паралелка на албански јазик, и покрај тоа што децата не знаеја албански јазик“, рече Јаневска.
ИЗВОР: ТВ 21
