Новиот црногорски претседател има 36 години. Роден е на 7 декември 1986 година. Оженет е и е татко на три деца. Тој е економист по професија. Беше министер за економски развој во владата на Здравко Кривокапиќ, кога всушност и почна да се занимава со политика, односно по 30 август 2020 година, кога коалицијата на партиите на власт во Црна Гора по првпат ја победија ДПС на Ѓукановиќ и ја испратија во опозиција
Јаков Милатовиќ (36) е нов претседател на Црна Гора. Како кандидат на движењето „Европа сега“ во денешниот втор круг тој убедливо го победи противкандидатот Мило Ѓукановиќ од Демократската партија на социјалистите (ДПС).
Според прелиминарните резултати на Центарот за мониторинг и истражувања (ЦЕМИ) на 98 отсто обработени гласови, Милатовиќ освои 60 отсто од гласовите, а Ѓукановиќ 40 отсто.
Излезноста, според ЦЕМИ, денеска била 70,6 отсто.
Центарот за демократска транзиција (ЦДТ), пак,објави конечни проекции на резултатите според кои Милатовиќ има 58,9 отсто, а Ѓукановиќ 41,1.
Новиот црногорски претседател има 36 години. Роден е на 7 декември 1986 година. Оженет е и е татко на три деца. Тој е економист по професија. Беше министер за економски развој во владата на Здравко Кривокапиќ, кога всушност и почна да се занимава со политика, односно по 30 август 2020 година, кога коалицијата на партиите на власт во Црна Гора по првпат ја победија ДПС на Ѓукановиќ и ја испратија во опозиција.
Извор: 360stepeni.mk
