РАМАЛА (АА) – Израелските сили приведоа 29 Палестинци во воените рации во окупираниот Западен Брег, соопшти денес локална невладина организација, јавува Анадолу.
Здружението на палестински затвореници соопшти дека меѓу приведените се една жена и двајца новинари.
Тензиите низ Западниот Брег се зголемени од 7 октомври поради израелската воена офанзива на Појасот Газа.
Најмалку 165 Палестинци се убиени, а повеќе од 2.300 други се приведени од страна на израелската Армија на окупираната територија од минатиот месец, според палестинските податоци.
Пред конфликтот во Газа, бројот на палестински затвореници во израелските затвори беше околу 5.200.
Израел започна немилосрдни воздушни и копнени напади врз Појасот Газа по прекуграничниот напад на палестинската група Хамас пред еден месец.
Оттогаш се загинати најмалку 10.569 Палестинци, меѓу кои 4.324 деца и 2.823 жени. Бројот на загинати во Израел изнесува речиси 1.600, според официјалните бројки.
