ТЕЛ АВИВ (АА) – Израелскиот екстремно десничарски министер за национална безбедност Итамар Бен-Гвир вчера разговарал со полицаецот кој го нападна Мустафа Харуф, фоторепортерот на Агенција Анадолу, и вети дека ќе се погрижи да се врати на должност што е можно побргу, известува Анадолу.
Бен-Гвир на социјалната мрежа Х напиша дека го посетил полицаецот и дека лично ќе се залага за неговото враќање во активна служба.
Полицаецот е под суспензија поради бруталниот физички напад на фоторепортерот Харуф, а контроверзниот Бен-Гвир порача дека „на борците не треба да им се суди во неизбежни ситуации“.
Израелските сили го нападнаа фоторепортерот на Анадолу Мустафа Харуф на 15 декември додека бил на должност во Источен Кудс (Ерусалим).
Израелските полицајци прво го вперија своето оружје кон него, а потоа го соборија на земја и го удираа Харуф за време на собирот на група Палестинци во близина на џамијата Ал Акса.
Харуф тешко претепан е префрлен со возило на Итната помош во болницата Макасед од каде е отпуштен откако му е укажана лекарска помош.
Израелската полиција го нападна и снимателот Фаиз Абу РУмаил, кој бил со Харуф.
Властите на Израел објавија дека се суспендирани полицајците што се гледаат на снимката од нападот на Харуф.
Извор: www.aa.com.tr
