Израелски медиуми: Нетанјаху се согласил за прекин на огнот без консултирање со Воениот кабинет

1 min read

КУДС (АА) – Премиерот на Израел, Бенјамин Нетанјаху, се согласи со предлогот на Катар за прекин на огнот во Газа без претходно за тоа да се консултира со Воениот кабинет, објави израелската државна телевизија КАН, пренесува Анадолу.

Давид Барнеа, шеф на израелската разузнавачка служба Мосад, за време на состаноците на кои учествувал заедно со египетските и катарските официјални лица во Париз, добил одобрение од премиерот Нетанјаху за примирје, со цел продолжување на преговорите во различни фази на договорот меѓу спротивставените страни на судирот.

Извор близок на Воениот комитет рече дека членовите станале свесни за ова прашање по одобрувањето од страна на премиерот.

Во разговор за „Једиот Ахранот“, израелските официјални лица порачаа дека „нема да се согласат со прекин на огнот“ како одговор на барањето на Хамас за ослободување на затворениците во Газа и повлекување на војската од Газа.

Официјалните лица потврдија дека нацрт-договорот предвидува ослободување на 1.500 палестински затвореници, вклучително и „имиња со висок профил“ од израелските затвори.

Зборувајќи за АА, палестинскиот извор соопшти дека Хамас го прифатил планот, во кој се предвидува размена на заробениците во три фази и прекин на огнот во Газа, секоја фаза во траење од 45 дена.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: Anadolu Agency (AA)

Претходно

Уапсен маж во Грција кој злоупотребувал и малтретирал лица со инвалидитети и пренесувал во живо на интернет

Следно

Трошиме исто, а плаќаме повеќе, ЕВН брои жалби од граѓани

Latest from Blog