КУДС (АА) – Израелската војска денес потврди дека 17 нејзини војници досега загинале во Газа, каде неодамна беа засилени воздушните и копнените напади, пренесува Анадолу.
Во соопштението се наведува дека двајца војници им подлегнале на повредите со кои се здобиле за време на копнените операции, со што е зголемен бројот на загинати.
Судирите и директните конфронтации меѓу израелската војска и борците на Бригадите Ал-Касам, вооруженото крило на палестинската група Хамас, која изврши ненадеен прекуграничен напад во Израел на 7 октомври, од вторникот ескалираа, особено на преминот Ерез, граничната точка меѓу северниот дел на Газа и Израел.
