РАМАЛА (АА) – Израелската армија уапси најмалку 20 Палестинци низ окупираниот Западен Брег, пренесува Анадолу.
Палестинците се приведени во Хеброн, Рамала, Ерусалим, Џенин, Калкилија и Тубас, соопшти денес Здружението на палестински затвореници и Комисијата за прашања на затворениците и поранешните затвореници на палестинската управа.
„Тие се брутално тепани за време на апсењата, а нивните домови се оштетени“, се додава оттаму.
Се истакнува дека бројот на приведени Палестинци на Западниот Брег од 7 октомври пораснал на 4.675.
Во израелските затвори има речиси 7.800 палестински затвореници, од кои 2.870 се држат во рамките на таканаречениот административен притвор, соопштија двете палестински граѓански организации на 21 декември.
Израелските сили вршат рации на голем број места на окупираниот Западен Брег.
Израелските сили извршија рации во градовите Џенин, Наблус, Ерихон, Витлеем и Хеброн, според палестинската новинска агенција ВАФА.
Има зголемени напади на израелските сили на Западниот Брег од почетокот на нападите врз Газа на 7 октомври.
