Израелската армија нареди евакуација на Палестинците од Северна Газа кон запад

ГРАД ГАЗА/ИСТАНБУЛ (АА) – Израелската војска им нареди на Палестинците што живеат во делови на Северна Газа да се евакуираат кон запад, проширувајќи ја офанзивата кон трајна окупација на енклавата, јавува Анадолу.

Портпаролот на израелската војска, Авичај Адраи, објави мапа на платформата X со зони за евакуација во областите Ал-Ататра, Џабалија, Шуџаја, Дараџ и Зејтун.

Тој истакна дека воените операции во овие области ќе се интензивираат и ги повика жителите веднаш да заминат.

Претходно израелската војска го објави почетокот на копнениот напад со име „Операција Гидеонови кочии“, кој сигнализира трајна окупација на Газа.

Според планот на војската, кој има цел да ја прошири и зацврсти окупацијата на Појасот Газа, се очекува Палестинците да бидат раселени во „собирни кампови“ во јужниот дел на енклавата.

Минатата недела израелските медиуми објавија дека војската планира да окупира 75% од Газа во период од два месеца.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.