Израелска армија: Од 7 октомври во Појасот Газа загинаа 587 војници

ЕРУСАЛИМ/АЛ-КУДС (АА) – Израелската армија денеска соопшти дека уште еден израелски војник загинал, а 13 се ранети во судирите во Појасот Газа, јавува Анадолу.

Во соопштението на Армијата обвинета за геноцид врз Појасот Газа, се наведува дека 21-годишниот израелски војник Давид Сасон е убиен во судирите на југот на Појасот Газа. Во истите судири биле ранети 13 израелски војници, од кои шест потешко.

Во соопштението се додава дека ранетите војници се префрлени во болница, а информирани се и нивните семејства.

Израелската армија соопшти дека од 7 октомври 2023 година, кога почнаа нападите врз Појасот Газа, загинале 587 војници, од кои 247 за време на копнената инвазија.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.