ГАЗА (АА) – Израелската војска изврши повеќе од 100 воздушни напади врз градот Газа за помалку од еден час во текот на вчерашниот ден, при што загинаа и беа ранeти голем број Палестинци, јави дописникот на Анадолу.
Бомбардирањето беше насочено кон различни области на градот, концидирајќи со прекинот на комуникациите и интернетот.
Воздушните напади предизвикаа голем број жртви и целосно уништија станбен блок во бегалскиот камп Ал Шати.
Бомбардирањата беа насочени кон области на северозападниот, централниот и југозападниот дел во градот Газа.
Амбулантните возила не можеа да стигнат до местата поради интензитетот на бомбардирањето.
Прав и чад го зафатија небото над Газа.
Цел на бомбардирањата беа околината на медицинскиот комплекс Ал-Шифа, најголемата болница во Појасот Газа, како и станбените подрачја, патиштата, облата на пристаништето на градот и различни делови на северозападна и југозападна Газа.
Палестинското Министерство за комуникации и информатичка технологија и палестинската телекомуникациска компанија „Палтел“ претходно соопштија дека Израел ги прекинал сите видови комуникациски услуги од Појасот Газа, трето прекинување во период од околу 10 дена.
Бројот на загинати Палестинци во израелските бомбардирања во Појасот Газа се искачи на 9.770, објави вчера Министерството за здравство во блокираната енклава.
