Израел уби 123 Палестинци во Газа по прогласувањето на прекинот на огнот

ИСТАНБУЛ (АА) – Израелската армија уби 123 Палестинци во нападите врз Појасот Газа по прогласувањето на прекинот на огнот, известува Анадолу.

Дирекцијата за цивилна одбрана во Газа даде писмено соопштение во кое информира за жртвите и повредените во нападите на израелската армија по прогласувањето на прекинот на огнот.

Во соопштението се наведува дека како резултат на нападите на израелската армија во сите градови на Појасот Газа убиени се 123 лица, а 270 се повредени.

Палестинското министерство наведе дека во израелските напади меѓу убиени има 33 деца и 33 жени.

– Договор за прекин на огнот и размена на затвореници Израел-Хамас

Катар, една од земјите посредници, на 15. јануари објави дека Израел и Хамас постигнале договор за прекин на огнот и размена на затвореници во Газа.

Договорот ќе стапи на сила во недела на 19 јануари во 08:30 часот по локално време (6:30 часот по средноевропско време). Во првите 42 дена од договорот за прекин на огнот кој се состои од 3 фази, ќе бидат ослободени 33 заложници.

Договорот вклучува сеопфатна хуманитарна помош за Појасот Газа, како и можност раселените Палестинци да се вратат на нивната територија.

Деталите од втората и третата фаза на договорот ќе бидат соопштени по имплементацијата на првата.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.